香港常見沖啡方法

呢幾個月將好多朋友帶入啡吭，先發現好多人都唔太了解平時係街飲到既啡，係點樣沖出黎。

先搞好一杯咖啡既基本概念先。明顯地，成件事係源自咖啡豆，啡農收成後，將咖啡果處理 (日曬/水洗)，跟住打包去到炒豆佬到，炒好去到咖啡師/機，再變成一杯啡比人飲。
用車去做比喻，就係啡農果part係做車零件設計同生產，炒豆係組裝維修，咖啡師係渣車司機，飲啡既係坐車遊車河既最終受惠者。
所以坐佐好多年車，唔識渣車係好合情合理既。最緊要係，你係咪想學渣車，係就要比心機睇落去。唔同沖啡方法，就好似用唔同方法去煮一舊牛肉咁。你可以煎佢，水煮佢，焗佢，慢煮佢，微波爐丁佢。每一個方法都可以令舊牛放入口，亦都有果隻煮法既味道特色。沖啡方法都一樣，有方便既（微波爐丁），亦有精細既 （慢煮）。當然，微波爐出黎既味道一定輸比慢煮。
沖啡，係講緊將咖啡豆入面既香味，注入水入面。香港常見到既沖法有：

• 即磨咖啡 – 餐廳常標榜既咖啡，技術上佢唔係一個方法，佢只係一個用Espresso (意式)原理變奏出黎既機器飲品，某程度上可以話係long black。主要取其香濃同快。e.g. 老麥加$1既即磨，大家樂即磨咖啡。
• Starbucks 係正統Espresso，同上面講既即磨一樣，都係行全自動機，㩒制出啡，不過佢係屬於100%堅espresso。同埋espresso只係個膽，你叫唔同既咖啡佢會配唔同既水/奶/泡/cream比例落去。最初黎香港果時都用半自動機，即係有把手果d (呢家去普通咖啡舖會見到)。懾取方法係靠高壓逼d味出黎，所以一般都係要機器先做到espresso。

  

  

• Nespresso，係屬於espresso，每粒capsule入面有5-7g既預磨粉（用每粒$6去計，即係用緊差唔多$200買200g豆）。方便度一定係皇者，筆者都係佢fans好幾年，比佐唔少錢雀巢賺。平心而論，佢出黎既啡係屬高質，要好過佢一定要靚豆靚磨靚沖。雀巢班工程師唔係玩玩下的。
  
• 傳統港式茶餐廳，係會用滾水+浸泡，好似煲茶咁煲出黎。呢個無乜研究，比唔到太多資料大家。
• 老麥成日比人話難飲，買餐唔洗加錢果杯，係屬於 drip coffee (滴漏咖啡)，美國就通街都係，香港d餐廳近年就少見佐，好多好多年前大家樂都係用佢（比你知到我年紀添）。原理係用熱水撞落咖啡粉，變出一杯”咖啡水”。因為構造簡單價錢平，電器舖都仲有賣比家用，好多人唔識，就白白徙錢一心買部機，就以為會係屋企飲到杯好啡，點知殘念收場。

  

  

• 近年興起既精品咖啡，其實無話指定邊隻沖啡方式，不過最能代表既都係手沖 (pour over)，佢可以話係drip coffee既改良版，要理解睇返另一編blog文: 自學手沖咖啡
• 去日本旅行，一定會見到既就係虹吸，利用熱力加真空原理拉d味出黎。亦都係精品咖啡文化其中重要一環。

  

• 常見家用仲有兩種，就係法壓壺 (french press) 同摩卡壺(moka pot)。法壓都有精品咖啡師用黎做啡，唔算普遍，家用既多。用法係熱水加粗磨咖啡粉，再用手加壓分返開咖啡渣同啡水。Aeropress就係屬於佢既變奏版。而moka pot就係用滾水壓力，好似做espresso咁逼d味出黎，不過壓力低好多同埋因為係滾水關係，出黎既味係苦澀行先，玩精品啡就唔洗深究moka pot喇。
  

  

  

一編blog唔會寫得晒所有方法，寫住咁多先喇，日後再繼續~ 記住比番個Like我地呀！