切牛扒

新手最常問：用第幾格磨？ 沖啡就好似煎牛扒，磨豆就等於一塊牛扒切到幾厚。牛扒厚薄，會主導煎煮火力同時間。而手沖就可以用水溫、時間、同注水力度去控制。圖：水溫、時間、注水一樣，由最左的第14格 （幼） 到最右的22格 （粗），大家會見到越粗粉，萃取就越少。（磨是Timemore C2)每個人對風味要求都不同，有人要厚濃，有人要果香甜度，沖精品就係由買豆到沖煮都要控制，搵自己啱嘅位。我一向都唔主張邊一隻豆，要用邊一隻磨嘅第幾格嘅講法，有系統去嘗試，一款豆三數杯就會搵到個 fit 自己靚位。