印尼半濕洗

圖:左面是我們貨架上的半濕洗曼特寧,右面是哥倫Narino水洗。

印尼咖啡的獨特的風味,除咗嚟自土釀同氣候,該區獨特嘅半濕洗處理法(wet hulling/giling basah) 亦貢獻不少。咖啡豆係咖啡果最入面嘅種子,唔同處理法就係講緊點樣將果肉移除,保留我地想要嘅咖啡豆。

正常水洗,係會等咖啡豆乾到10-12%含水量,先會用機器打走種子外邊嘅豆殼。因為乾身豆殼先易甩。

水洗豆殼 – 明顯已分離

而印尼嘅做法,就係喺35%左右就打。有說呢種喺未乾透就去脫殼嘅手法,係因為豆農想快收錢。對我地嚟講,除咗風味唔同,最重要就係“樣衰”!

半濕洗 – 豆殼明顯仲黐得好實。

濕豆打殼,需要較高嘅磨擦力先可以成事。所以攞曼特靈上手睇,你會發然好多崩角豆。精品豆鋪賣得嘅,已經都係人手篩過,有興趣可以睇下成個處理過程嘅片。

0 留言
Inline Feedbacks
View all comments