我看養豆

呢篇blog,唔會比一個結論大家攞走,亦無引用帶實驗測試嘅科學。只係帶大家客觀地去睇呢個迷惑嘅問題。

首先,有人會話賣新鮮豆嘅,賣豆讚豆香下,更係會盲推新鮮係最好。咁其實,同樣情況,亦會出現喺,要用較長時間去賣一爐豆嘅大批次炒豆商。

所以,做咖啡生意講嘅野,都唔應該100%直信入心,要用自己最有力嘅評判 – 你條脷去判斷。

本文完。

😂 唔好潑杯啡過嚟住,睇睇圖*,先視覺化嗰題目。

藍綫係新鮮度,呢個大家都有共識,一炒好係最新鮮,唔會有分歧。橙線係香氣鋒值,曲綫變化,大致上都係一個共識 – 即喺一炒好,並唔係最好,要等一個時間,先會到頂點,跟住就會向下走,直到永遠,阿門。

分歧係喺下面個時間值,呢幅圖嘅作者*,認為第二星期係最好。咖啡圈流傳嘅數字,最常見會係喺烘焙後 24 小時 – 2 星期之間。

2019年 World Brewers Cup,第二名嘅 Patrik Rolf,攞到全場最高分嘅咖啡,係用沖煮前6個鐘炒嘅豆,預早~1個鐘磨好比豆排二氧化碳再沖。呢件事,打破咗傳統用“日”去計養豆嘅習慣。

同類事情,過去沖煮比賽亦曾發生過,並唔係獨立事件。隨住越嚟越多小型烘焙爐產品嘅出現,相信沖煮比賽會繼續係呢個峰值上探索。

精品咖啡並唔係跟食譜煮餸,係一個味覺嘅旅程。當大家有機會擁有一包新烘好嘅豆,就可以自己去慢慢發掘。別人說的好,未必一定是自己的最愛。

* source: Boot Camp Coffee
0 留言
Inline Feedbacks
View all comments