400次咖啡的科學

疫情下，個個係屋企悶到傻，由即溶咖啡玩到去攞真咖啡玩，比我爆一句：「唔好嘥靚豆攪d咁嘅嘢！」。

首先，真咖啡係做唔到咁靚，一定要即溶。“打”咖啡變泡，係要有特別物質去hold住空氣，即溶咖啡先有呢種特性。上網揾點解，有外國網友話因為即溶咖啡加咗半乳甘露聚醣（Galactomannan, 簡稱GM） 嘅穩定劑。個腦閃一閃，呢個字喺讀roasting science時見過。攞本封咗塵嘅書出嚟睇，確定咖啡豆本身已經有。

即溶制作仔細配方都係商業秘密下，我唔能夠確定係咪外加咗GM。我會假設係當用咁少水去開即溶粉，咖啡本身嘅天然GM對水比例，已經係會異常地高，唔須要外加都夠“力”去hold到咁多空氣。

亦因為咖啡本身有GM下，所以當攞真咖啡去打時，係會有少少泡。GM亦係做espresso時，果層crema嘅其中一位功臣。

小知識：呢個玩法，並唔係出自韓國。其實係印度同巴基斯坦一帶流行咗好多年嘅街頭飲品，當地人叫Phitti Hui Coffee/Indian espresso。