談酸味

咖啡豆入面係有好多香氣/香味物質，你可以將咖啡豆想像成一個大水池，入面有好多唔同品種既魚（香氣/香味物質）。有d魚游得快d，有d游得慢d。每個品種亦都有佢鐘意既水溫。

當我地加水去沖煮咖啡，就好似用水將一個魚池，分流成兩個。豆係原先果個，沖出黎既啡係新既一個。沖煮/分池 開始時，啱溫度既魚，就會開始由舊池游過去新池。

酸味係快魚，頭60秒就走得七七八八。

吓? 咁咪即係d豆有酸，杯啡就一定會酸囉? 幸運地我地條脷其實幾蠢，佢只係睇整個池有幾靚，唔會續條魚去比報告。當其他唔酸既魚（香氣/香味物質），慢慢過埋池。成個池都係魚既時候，佢只會報告比大腦聽話呢個魚池好正，夠多魚，即係一杯好啡應有既complexity。

當過池(沖煮) 時間太短 或者水量太少，做新池品種過少（萃取不足） 。我地個腦就會分析成杯啡好薄、得個酸字。

檢查萃取度，就係處理酸味的其中一個主要位置。