日本網直購小富士筆記

有客人托我幫手揀隻電磨比佢upgrade，仲比佐個好寬鬆嘅 budget我。唔係自己錢，都當正係自己買野，揀機夾價一輪後，鎖定佐係Amazon 日本入部小富士 R-220 鬼齒，＄3400 鬆d就可以入手。寫低落單過程，比有興趣嘅朋友參考。
背景：Amazon 日本早幾年已經開始支援部份貨品直送香港，今次呢部磨豆機運費係 $172 。計返重量 (5kg)，仲平過用集運，香港寄本地順豐都要 $4x，$172真心抵。

落單重點：

• 記得係畫面到轉返中文，需然唔係100%翻譯，起碼估少好多漢字。
• 搜尋可以用 “フジローヤル r-220” 做 keyword，Amazon 係一個平台，上面有唔同嘅賣家，落單時記得格下價，遇到有特價係你好彩！（我買果時間間都差唔多）
• 加入購物車前一定要睇清楚有無寫 “スタンダードタイプ ” (標準型)。R-220係有分鬼齒 （標準） 同 平刀，手沖強力建議揀鬼齒。
• 平刀版係會寫住 “カット臼・イエロー” (切割磨刀 · 浓缩咖啡适用)，話就話做espresso，實制係唔夠幼，亦唔夠精細，所以唔流行攞小富士做espresso。
• 落單時可以揀用yen定港幣，理論上用yen個 rate會好少少，自己做功課喇，張張credit card都唔同。
• 出倉後有email通知，入面有tracking可以睇到份件去到邊，由出倉到香港4日左右，香港送貨係中通外判司機。

相對於香港行貨要成 4千中，水貨連埋運費同一隻 220v-100v 火牛，都平佐成千。當然喇，保養就等於無，不過磨豆機加上日本QC，風險唔高嘅。
最後，記得日本電器係行100v，一定要用火牛，配火牛時，記得買最少 200W。