烘焙曲線
早兩日比 “烘焙風味”搞到我迷失佐，呢個星期就講下”烘焙”喇，一路都好少講，因為太多技術字眼，唔想拋書包，更加唔想悶死大家。等我試下快講喇。
我耐唔耐都會提到 “設計烘焙” 或者 ”烘焙曲線” (roasting profile)，呢個曲線可以話係現代咖啡烘焙，當中最重要嘅工具。情況有d似影相，由菲林機去數碼化，多佐Photoshop (precisely 係histogram 先啱)。
以前未有電腦，烘焙師係靠紙去記錄一爐豆兩大數據：豆溫 + 時間。
即係用佐幾多時間，去達到某個溫度。
呢家電腦化，好多烘焙師都會用電腦做profiling，除佐auto cap低兩大數據，仲會補上其他輔助數據，好似爐溫、風門、風壓 等。
參考番張圖，一爐豆，就算係同一豆溫出爐，咖啡豆顏色上係會差唔多。但黃線 (快)同 紅線 (慢)，會係完全兩個味道。呢件事，亦係令我迷上炒豆嘅地方。
一隻生豆到我手，我先要搵一條靚線去present隻豆嘅最好風味出黎比大家。捉到條靚線後，之後再炒就可以跟住去做同fine-tuning。
每爐豆我都可以進步，呢個就係我每日嘅動力！
歡迎留言