樣衰的豆
早幾日喺大咖啡谷見到兩單 “豆不對辦”嘅case，兩張相都係豆樣唔好，大量銀皮痴住。呢家身份避嫌下，係呢到分享兩句，有興趣自己去睇返原post。
首先，咖啡豆要黎飲，唔係要黎睇，醜唔代表唔好飲，有銀皮亦唔代表有問題。不過，豆樣會比到d hints 關於生豆同烘焙質素，教大家兩個基本知識：
- 大小均勻度，大家買過藍山就知，粒粒係可以一樣大。有大有細最大問題係，細粒會炒過熟，大粒又唔夠熟。所以一般只有平價豆會有大有細，生豆越貴，就越consistent。
- 豆豆會係炒嘅過程澎漲，淺焙漲得少，銀皮會痴得比深焙實。滾桶同風門力度係兩個可控制最終銀皮量嘅因素。多銀皮，in general 係會代表多果酸留低，不過真係唔可以單憑視覺去確定。
炒豆其實真係好簡單，就好似畫畫咁，有筆有紙就人人都係畫家。希望香港咖啡烘焙可以健康發展，唔好再有太多呢d case😅
片 （打開下面教室連結）：比大家睇下最簡單嘅炒豆方法，無專業炒豆機嘅滾桶同風門下，係可以幾 “樣衰” ( 唔代表唔好飲！）。
歡迎留言